رحلة نحو شعر افريقي جميل

[شمس الصباح]

مرحبا يا بنات يا حلوين. يارب تكونو بخير

الموضوع مررررة باين. نفسي شعري يطول!
يمكن هادا حلم كتير من البنات (ذوات الشعر الافريقي).
تخيلو اني مسجلة في المنتدى من فترة عشان الاقي افكار تساعدني في تطويل شعري الحبيب!
قلت اكيد مادام شعري تكروني راح ألاقي الحل في منتديات تكروني.
طبعا بعد بحث و قراية و تجربة منتجات و اشياااااااء كتير طلعت بكم نتيجة حلوة.
للاسف احس انو مو ناس كتير تفهم الشعر الافريقي
انا كنت من هادول الناس بس الحمد لله اتعلمت اشياء كتير و عشاني استفدت حبيت اني افيد اخواتي في المنتدى.
معليش طولت عليكم الكلام
بس مرررة متحمسة لانو اول مرة اشارك في المنتدى و لانو نفسي يسير في بيننا حوار صادق عن الشعر الافريقي بمحاسنه و سيئاته.

اللي تحب تشاركني في (رحلتي نحو شعري افريقي جميل) تجهز نفسسها و تستعد لانو الرحلة طوييييلة

ها يا بنات, مين حيشاركني؟

شجعوني بردوكم عشان نحدد متى و كيف نبدا و ايش الاشياء اللي نحتاجها.

[كوكتيل مشاعر]

اولا ياهلا ومرحبا بكي
شوفي انا اعطيكي طريقة ان شاء الله تفيدك بس يلزم لها شوية صبر بس اوعديني اذا فادتك انك تدعي لي
(صفار بيضة + ملعقة عسل + ملعقة زيت زيتون )
اخلطيها مع بعض وحطيها في فروة راسك لمدة ساعتين على الاقل وبعدين غسلي راسك بالشامبو ويفضل دوف بالزيوت المغذية وكمان استعملي البسلم التابع له هذي الخلطة مرة في الاسبوع . وخلاص

[شمس الصباح]

شكرا كوكتيل مشاعر على ردك
و ان شاء الله راح ادعيلك
انا تقريبا سرلي سنة و شوية باستعمل خلطة تشبه خلطتك بس احط بيضة كاملة و زبادي و زيت زيتون و زيت جوز الهند
بالنسبة للشامبو باستعمل Aphogee و فاشكول بالثوم و مرررة مبسوطة عل النتايج

[afnangirl]

مستعده اشارك معاك لاني مهتمة جدا بشعري وابغاه يطول ^______^ والحمد لله طوله ملحوظ بس بقول لك اللي عندي وطريقة تعاملي مع شعري

في اليوتيوب في الامريكيات من اصل افريقي عندهم فيديوهات صراحة جدا رائعة ومفيدة بس المشكلة كله انجليزي وماشاء الله شعورهم طويلة رغم خشونتها الشديدة .. ليش ؟؟ لانهم عندهم عبارة يرددوها كثير (( اكون طبيعية )) فاشعرهم هذا ابدا مايستخدمو له فرد ولا استشوار لفترة طويلة بس اللهم في المناسبات استشوار والسراميك للتنعيم .. والله استفدت منهم تعليمات واشياء كثيرة .. وحتى هنا في المنتدي في موضوع ((( خلطه تحول الشعر الافريقي الي فليبيني))) الزيوت رائعة واكثر واكثر من رائعة استخدمتها وشعري طول بس الله يهديني رحت فردته من غبائي :( بس قدر الله .. ومشكلتنا هنا اننا نهتم لكلام الناس وكيف لازم يكون مظهرنا قدامهم لاننا عايشين بمجتمع متخلف وعنصري كمان .. فالوحدة تقول لا كيف اروح بشعري الخشن كذا قدام الناس .. بس هناك بامريكا والله ماعليهم في احد فهذا فرق كبير بيننا وبينهم .. وقبل الخلطات وكل شي بالنسبة لي الضافاير مرة ناسبتني والضفير هو السبب الاول والاخير لطول الشعر والمحافظة عليه .. لان الشعر الافريقي مايحتمل انه يكون مفرود وطول الوقت تمشطي فيه وتبهدليه .. نصيحتي لكم يابنات ضفيري شعرك باي شكل وبأي طريقة مو بالضرورة تكون ضفاير البوب ولا المخفي لا بأي شكل المهم شعرك يكون ملموم.. واذا بتزيتيه و تغسليه كله وهو مضفر وبعد ماينشف تفكيه وترجعي تضفريه ثاني مرة .. وعلى فكرة بداوم في الكلية فأكيد شعري لازم له استشوار وكلام كثير صراحة انا بلبس الباروكة الله يرفعها عني وعنكم لاني ماني مستعدة العب في شعري وان شاء الله لا شعري وصل للطول المناسب راح استغني عن البراوكة واروح بشعري الطبيعي بأذن الله ... هههه وعلى فكرة الشعر الافريقي كل ماطول طار على فوق ومستحيل ينزل وخاصة الشعر الخشن والحين بنزل لك صور لانوااع الشعر وحددي فيهم انت ايش نوع شعرك




هذا نوع 1 وهو انعم شي


http://t1.gstatic.com/images?q=tbn:A...CjaBqmeluOBDJE

هذا النوع الثاني

http://t0.gstatic.com/images?q=tbn:A...twMCKgVe23dr1L

هذا النوع الثالث

http://care4curls.files.wordpress.co...pg?w=640&h=485

وهذا النوع الرابع اللي هو A4 ((( وهو نوع شعري ^______^ )))

ويلا يابنات انتم ايش نوع شعوركم عشان تكون الفايدة اكبر

وسوري ياعسل طولت عليك وان شاء الله معاك وبنزل لك طرق العناية بالشعر باذن الله

[afnangirl]

ان شاء الله تفتح الصور معاك لانه ماطلعت الا صورة وحده والباقي رابط
ونوع a4 هو اخشن نوع وa3 خشن لكن فيه نعومة

[شمس الصباح]

afnangirl شكرا على ردك صراحة فيديوهات اليوتيوب شي مررة حلو. انا احس اني ادمنت عليها, لازم كل يوم اشوف لي فيديو. شوفي يا ستي انا شعري نوعة 4A بس مفرود. طبعا انا افرد شعري في البيت بسوفت اند بيوتيفل. اللي خرب الدنيا اني سافرت و رحت فردت شعري في صالون عند كوفيرة افريكان اميركان لأني ما اعرف افرد. في السعودية ماما الله يخليها كانت تفرد لي. طبعا بعد فترة من فرد الصالون شعري طول ووصل طول مرررة حلو لكن بدا يتكسر. قعدت تقريبا 6 شهور من غير فرد لحد ماسار طول شعري مناسب بعدين قصيت كل الشعر المفرود! قصيت تقريبا25 سم و بقي نتفة شعر. و بعد 4 شهور من القص رجعت لسوفت اند بيتيفول و فردت شعري بنفسي. حاليا شعري بالضبط يغطي الرقبة، يعني الحمد لله طوله مناسب فانا قاعدة اعتني في عشان ما يتكسر. لانه من الاشياء اللي اتعلمتها انو الشعر الفرود يطول من الجذور بس اطراف الشعر تتكسر, فما يبان الطول.
عاد من الاشياء اللي اكتشفتها انو اللي يناسب غيري ممكن ما يناسبني فلازم اعرف احتياجات شعري مزبوط. بس في اشياء اساسية تساعد الشعر المفرود و الحمد لله نفعتني
1) كريم الشعر اللي تستعملي كل يوم لازم يكون water based يعني الموية تكون من مكونات الكريم الاساسية.
2) بعد ترطيب الشعر بالكريم لازم نحبس الكريم في الشعر, يعني نحط عليه طبقة عازلة باي زيت طبيعي انا شخصيا استعمل زيت جوز الهند و زيت الخروع بس احط مرررة قليل. يادوب 3 نقط.
3) غطي شعرك لما تنامي. اعملي شعرك ضفاير او امسكي واحد بس ما يكون مشدود و غطي شعرك بربطة ستان لانو قماش القطن يسحب الرطوبة من الشعر و اصلا اذا كان مو مربوط تقومي شعرك منكوووش فيسير معرض لانه يتكسر.
4) استعملي بيض للشعر المفرود لانه الفرد يسحب البروتين من الشعر فلما تحطي بيض تكوني عوضتي البروتين اللي فقده الشعر فتسير الشعرة اقوى.
5) قبل ما تغسلي شعرك اعملي حمام زيت اواي خلطة تحبيها لشعرك.
6) حاولي تكتري المدة بين الفرد, يعني مثلا انا افرد كل 3 او 4 شهور مرة. بس في ناس تفرد مرة كل شهرين حاولي تشوفي قد ايش ممكن تقعدي من غير فرد من غير ما شعرك يتكسر. مبدئيا 3 شهور انسب شي.
7)استخدمي مشط فتحاته وسيعة و قللي استخدام السشوار و السيراميك قد ما تقدري.
8) دايما خلي شعرك ملموم, الضفاير زي ما قلتي مررة مناسبة للشعر. انا دايما اسوي شعري ضفيرتين و في الصباح انا رايحة الجامعة افكهم و اسوي شعري كعكة صغييييرة, لانه ما ينفع ضفيرتين تحت الحجاب.

على فكرة انا برضه استعمل الباروكة احيانا ( الله يبعدها عننا يارب) بس لقيت كم تسريحة حلوين اسويهم اذا كنت طالعة.
جربي تشوفي فيديوهات اليوتيوب اللي عن الشعر المفرود و ان شاء الله تستفيدي منها.

[شمس الصباح]

معليش على الرد الطوييييييييل ما حسيت بطوله غير لما ارسلته

[afnangirl]

هههههههههههههه عادي وانا بعد موضوعي طويل ^_____^

بس الفرد انا مانسبني بجميع انواعه وسبب لي جروح وقشور في الفروة :( فعلا الفرد لازم يكون احد خبير يفرد لك الشعر انا فردته وعدمته ,, بس شكلك ماشاء الله الفرد ناسبك وجا معاك انا نهائي مانسابني لا حق الاطفال ولا حق الكبار بالاعشاب
ومعدل نمو شعري جدا بطئ فالزيوت ناسبتني .. والمشكلة انه الشعر كل ماطول كل ماكثف فما كان عندي الخبرة كيف اقدر اتعامل معه فا فردته :( .. وكمان زيت اللوز اكيد انك جربتيه جدا جدا رائع للشعر الخشن يعطيه نعومه حلوة .. تمسكي كل خصلة وتحطي من زيت اللوز بالكمية اللي تبغيها وتلفيه لف الليمون ان شاء الله تكون عارفتها ^_____^ وبعد ماتفكيه ياسلام .. وللاسف البيض عندي حساسية منه فنادرا مااستخدمه ..وجربت اشياء كثيرة ان شاء الله اقولها بعدين ^______^

وكمان بنات المنتدى الله يهديهم ماهم متفاعلين بالردود فامالك الا الصبر وان شاء الله بيردوو.

[afnangirl]

بسم الله الرحمن الرحيم طبعا اليوم بكلمكم عن منتج profectv mega growth اللي سمعت كثير في النت وفي اليوتيوب يمدحوا فيه البنات اللي شعورهم خشنه فالحمد لله اشتريته وببدأ التجربة 5/1 بأذن الله بس حسيت انه اعطي ليونه لشعري مع انه مضفر

1- [IMG]file:///C:/Users/Public/Pictures/20120322842.jpg[/IMG]

هاذي صورة لكل المنتجات اللي شريته من الرواسي بالمدينه وبقول لكم اسعارهم من غير شرح لكل منتج لانه اذا اشتريتيه راح تعرفي >>>بس قولي ماتعرفي ^_____^

2- [IMG][/IMG]

رقم 2 الزيت تقدري تسوي حمام زيت سعره 28 ريال

3- [IMG][/IMG]

رقم 3 اللوشن مثل ماهو مكتوب فيه تستخدميه كل يوم وتمشطي شعرك زي ماتبغي سعره 28 ريال

4- [IMG]

مايحتاج له تعريف طبعا سعره 25 ريال

5- [IMG][url]http://misswigs.com/image/product/06.BS/01.HCR/01.Hair-Treatments/94/94-Profectiv_Mega_Growth_Anti-Breakage_Strengthener-1.jpg[/IMG][/IMG]

[IMG][/IMG]

العلبة اللي فوق هي الكريم مثله مثل اي كريم سعره 25 ريال
والعلبه اللي تحته هو البلسم واكيد يستخدم بعد الشامبو سعره 30 ريال

6- [IMG][/IMG]

growth shee زيت تستخدميه لاعطاء لمعة بعد الاستشوار وكمان تغذي شعرك وتقدري تحطيه على الفروة وسعره 25 ريال

طبعا بس هاذي المتوفرة هنا في محلات المدينة وفي السيروم لكن مااشتريته ماحسيت اني احتاجه لاني بحاول مااستشور شعري

واشتريت مجموعة امشاط لقيتها ب10 ريال ماهي اصليه مرة بس عجبني المشط اللي اسنانه كبيرة وكله مفيد

[IMG]file:///C:/Users/Public/Pictures/20120322854.jpg[/IMG]



وان شاء الله راح ابدا باستخدمه وان شاء الله يكون في احد جربه واستفاد واتمني مااكون طولت ويارب تظهر الصور

[afnangirl]

شوفوا الصور بالضغط على الرابط ^______________________^

واذا ماظهرت انسخوا الرابط ولصقوه في صفحه ثانية عشان تظهر الصورة